呢個演出，好似一個Portal被狠狠打開，將兒時創傷及teenage wounds全部攤開喺自己面前，避無可避。
成長後嘅強悍或controlling，全部都係學返嚟嘅，都源自某種自我保護機制。
因為小時候嘅某個經歷、一句別人嘅無心之失，漸漸覺得自己唔夠叻、唔夠好。更常見，係漸漸覺得單靠原本嘅自己唔足以應付世界，所以學會穿上一層一層嘅保護衣，練得一身好武功，磨好幾把傍身嘅利劍，遇上任何關卡，使出渾身解數，ok無問題頂得住。
然後有一日，環境變了，「正常」變了。舊有招式已經不足以抵擋外來嘅衝擊。
再挖深一點，終於發現，你面對嘅最大阻力，從來並非來自外在嘅衝擊或限制，而係自己裡面嗰個受過種種傷害嘅小孩、青年。佢根深蒂固嘅自我質疑、不肯定，被日子和歷練埋藏得太好、太深，就連你都差點忘記了他的存在。
面對呢個最原始的self critic，你不能用劍，不能用任何招數，只能輕輕脫下防護衣和鋼鐵盔甲，嘗試用愛、理解、以及無限耐性，去重新感受佢一切不安嘅根源。
呢個過程極為赤裸，並且需要天大勇氣，比起任何過往的勇氣都更甚。脫下一切，將自己最脆弱的深處展露於人前，為的，是要與這個青年對話。
昨晚完成後，我一直對演出耿耿於壞。
好不尋常。
以往嘅我，任何show裡面出現嘅錯都可以視為一部分，完咗就完咗。
但尋晚有點不一樣。
各種自我批判湧現，覺得自己唔夠放鬆、太慣性地顧及觀眾、某首歌彈得唔夠好、講野表達得唔夠清楚、點會俾人DOS到，等等等等。
或者事前同Mikey嘅rehearsal實在太震撼、太好，到現場自帶了expectation，結果好想唔Control，最終又變返另一種Control。
直到今朝起身，我同二嬸分享，講吓講吓，講到七歲、十五歲、十九歲，喊咗足足兩個鐘。
然後我明白了。
呢段日子我一直沉醉於自己嘅內在進程，深信今次將會係一個畢業禮，俾各位鄉親父老睇到自己有點唔同，可以吐氣揚眉喇終於。殊不知，其實昨晚先係一個開始。
匿埋鍛鍊自己，感受自己相對容易，真正考驗係你返出嚟世界，是否仍然能保持到同樣平衡和放鬆。
昨晚左邊係親友老師夥伴，右邊係長期支持者。
排練期間某日，同隊長傾個場，返去諗咗一晚，提議不如將個performance space放返喺中間。原來又係自己潛意識要來試煉自己。哈，咁招積Rebirth啊拿，擺你喺正中央，睇吓你係咪真係把口講得咁進化？定係都係要攞返把死人劍出嚟用？
Simplicity, Quintessence, Rebirth, Forgiveness。
理論說起來容易，但真正要做到，定必要再多花好多功夫。
Last night was a most humbling experience.
昨晚係一個初試，俾我睇到我仍然未徹底明白或仍然cling on to嘅一啲舊有模式。
而路程現在才剛開始。♥️🫂👧🏻
多謝陪伴我一同搵路嘅朋友仔。
@mike_orange @canaanfkn @doollyjelly @carcarsmile @commasense @gwenjibillie @kaminghk @miso.tech @bonbonpang @fred_cheung_
And everyone from GMM.
Photos by hui_alfred ♥️
永遠支持🫶🏻
掌門，能成為你的歌迷，實在是我的福氣。見到你不斷努力，也成為了我的每日向前的動力。生日快樂。