恭喜發財，龍年快樂🐉🧧！
新年新氣象，踏入龍年年初二，好興奮可以喺呢個新地方同大家繼續分享我嘅goofinds。
對於新subscribe嘅朋友嚟講，呢個format可能比較陌生。由幾年前開始，我每個星期日都會用email newsletter形式，分享我日常睇到、聽到、讀到嘅新奇有營養（或者無聊）事物。
呢啲未必好啱喺social media分享嘅嘢，我會儲埋一次過喺Newsletter講。成件事inspired by幾位外國嘅influencer，例如Tim Ferriss、James Clear嘅3-2-1 Newsletter同Austin Kleon，佢地每週一次嘅分享inspire咗我好多，亦不斷曠闊我視野。
睇睇埋埋咁多，諗落其實我自己都有好多嘢想分享；尤其我知好多人對於英文資訊或者網站唔太熱衷，所以不如就由我去curate一個中文版本俾大家啦。
開始寫時知道唔係好多人習慣subscribe email list，亦覺得應該唔係好多人會有興趣，但寫吓寫吓，發現原來都唔係無用啊，耐唔耐收到啲feedback，話好鍾意睇Newsletter，同埋都inspire咗佢地一啲嘢。咁好啦，即然係咁，就繼續寫落去啦，反正菇家本身係老師家族，正所謂in my blood，最鍾意將我所見所聞同大家分享。
而家轉用Substack，希望可以滋養到更多人，加上有得留底，大家幾時join都可以睇返之前嘅gooshares (到底係goofinds定gooshares🤣）。
遲啲有時間會慢慢upload返啲archives上嚟，你地如果有有趣又inspiring嘅嘢，都可以去CHAT THREAD度分享俾我㗎。
1/ NEW KIDS ON THE BLOCK
呢排個人好Nineties，唔係特登，係啲nineties嘢係咁衝埋嚟搵（返）我。
三十幾年後（whattttt!!!!???) 再睇返呢個MV，有幾吓literally毛管棟。
童年回憶嘅嘢。。。。
個個以為我個馳名嘅「梅艷芳牆」只有梅艷芳，但其實喺鏡頭後嘅另外兩面牆，曾經有段時間變咗New Kids牆。
當年我真係超級超級超級鐘意佢地，證明我除咗有《女人心》，亦都曾經有——少女心～！而家睇返，其實都真係幾good taste。雖然係boy band，但一啲都唔核突，又唔娘，又genuine又wholesome。佢地啲衫相信今日著返出嚟都仲完全靚同make sense。
同埋最神奇係咁多年後，佢地都無事無幹無反面（仲可以重組再出歌去tour)，證明當日佢地啲攬頭攬頸係真心嘅，哈哈哈。
有機會寫個blog再deep dive回味吓當年呢份少女菇心🥰。
WATCH : 多年後嘅重組之作👉🏽The boys in the band
2//LUXO Jr.
即然懷舊開，繼續。
今年第一本tackle嘅書係買咗N年擺到鋪曬塵嘅"Steve Jobs : A biography"，睇到Pixar時期，提及當年佢地製作嘅第一條動畫短片Luxo Jr.如何震撼整個動畫電腦界。
當然今時今日睇覺得無乜嘢，但當你發現原來發佈年份係1986，就不得不驚嘆佢當年走得幾咁前。而當中最大功勞當然係Pixar鼻祖動畫師 John Lasseter (Toy Story系列就係佢嘅傑作），尤其佢說故事嘅功力，可以喺呢條兩分鐘無對白純動作嘅animation入面展現得淋漓盡致。
3///FISH PRAWN CRAB
新正頭梗係要聚埋咩吓啦。
拿我睇咗一陣先肯定條片唔係parody（好似），然後search result有其他教人點落注更有勝算嘅片，不過我自己無實驗過又費事有人輸曬身家嚟尋仇，所以都係搵條好清純咁教大家點玩呢個遊戲嘅，當係應吓節攞個意頭啦。
呢條片教識我，原來「葫蘆」英文係Calabash(或者Gourd)。
4//// QUOTE
「 只在有熱存在時，未來才會有別於過去。讓我們能區別過去與未來不同的基本現象，在於熱會由較熱的物體往較冷的物體傳遞。
只要有熱，未來就會和過去不一樣。」
Carlo Rovelli, 《七堂簡單物理課
5///// 10 EASY STEPS
做我地真係好抵，錯過咗1月1號嘅新年，都仲有農曆新年跟手俾我地重整再重整。
新一年，有咩Block都好（唔一定係Creative Block)，
試試用設計大師Debbie Millman呢啲“Overcoming Creative Block in 10 easy steps”去將自己五臟六腑解鎖：
初六係開市好日（頭盔：呢個newsletter唔算開工，我新年前已經寫好），大家盡情抖同玩多幾日先開工啦！
祝大家今年工作家庭同自身都手風順，做乜都得心應手，
最緊要身體健康龍精虎猛，先有力跑落去。
Be Goo,
Hocc
新年好啊各位朋友仔～人越大越覺得可以自由地做自己想做geh事其實都幾奢侈，是大家新一年都可以擁有呢份奢侈，有心有力有錢去支持自己做想做geh事啦～
由2023年開始，除了偶爾寫信比牆內的朋友，就是盡量看完每齣戲都寫感想。想透過文字，疏理甚或整理對整部電影的看法，拿筆寫字的過程，真的好感覺那種「乏力」，寫文章的結構，寫字的筆順，用字的貧乏。
非常認同要多看書，多看有營養的東西，一想到日常用大量emoji 去代替文字表達，就覺得人類有少少倒退。